Top News – Bjellorusia rrëzoi raketën ukrainase/U lëshua nga mbrojtja ajrore, ra 15 km larg kufirit

Bjellorusia ka thirrur për shpjegime ambasadorin ukrainas duke thënë se ajo rrëzoi një raketë të mbrojtjes ajrore ukrainase në territor bjellorus. Kjo ndodhi gjatë një prej sulmeve më të rënda ajrore të rusisë mbi Ukrainë deri më tani. Imazhe nga televizioni shtetëror Bjellorus, tregonin mbetje të raketës në një fushë. Një zëdhënës i ushtrisë ukrainase tha se incidenti ishte rezultat i mbrojtjes ajrore. Bjellorusia, një alet i rëndësishëm i Rusisë, kërkoi që Kievi të kryente një hetim të plotë pasi raketa S-300 ra afër kufirit të saj. Kjo është hera e parë që Bjellorusia rrëzon një raketë ukrainase që nga pushtimi rus në shkurt. Ambasadori ukrainas u thirr në ministrinë e jashtme në Minsk.