Duke jetuar 30 kilometra larg kufirit ukrainas, në Bjellorusi është rritur frika se lufta mund të mbërrijë dhe aty. “Kam frikë”, tha një 63-vjeçar në Lenin Avenue në Gomel, një qytet gjysmë milioni afër vendit ku takohen kufijtë e Bjellorusisë, Ukrainës dhe Rusisë. "Dua paqe", shtoi ish-elektricisti. Lufta dhe paqja po pushtojnë mendjet e Budyukhin dhe të tjerëve në Bjellorusi ndërsa aleati i vendit Rusia përparon në Ukrainë -- e ndërsa nga ana tjetër presidenti i ri i SHBA Donald Trump zotohet t'i japë fund konfliktit trevjeçar. Presidenti autoritar i Bjellorusisë, Alexander Lukashenko, një aleat besnik i Vladimir Putinit të Rusisë ka thënë se dëshiron paqe dhe se nuk do të përfshihet në luftë. Ndërkohë aeroporti i Gomelit që nga viti 2022 ka shërbyer si pikënisje për dronët shpërthyes të dërguar nga Rusia për të sulmuar Ukrainën. 63-vjeçari tha se ai i shihte rusët si "vëllezërit" e tij -- ai ka një nënë ruse dhe një baba bjellorus. Pavarësisht frikës së tij, ai tha se ishte i gatshëm, "nëse duhej, të merrte armët" dhe të luftonte.