Vdekja në mënyrë tragjike e 27 vjecarit Erion Rexhepi më datë 30 dhjetor në Cërrik, po zbërthehet dita ditës nga policia. Ndërsa prej disa ditësh është cilësuar si një mister vdekja e tij, sa duket këtë të hënë autoritetet kanë nxjerrë në pah një detaj i cili zbërthen njëkohësisht edhe vdekjen e Rexhepit, por edhe plagosjen e dy personave të tjerë. Bëhet fjalë për biznesmenin Mikel Harizaj me origjin nga Vlora dhe Serin Dunin kamarjerin e një lokali, i cili ishte bashkë me Harizajn natën e shpërthimit të tritolit në automjetin e këtij të fundit. E pikërisht e gjithë pista e hetimit që është shtrirë në tavolinën e grupit hetimorë ka të bëjë me këtë automjeti. Rezulton se makina ku ishte vendosur tritoli me 7 janar, të jetë e njëjtë me atë ku ishte Erion Rexhepi me 30 dhejtor. Mjetit ‘Mazda’ ngjyrë blu iu vendos tritoli më 30 dhjetor me qëllimin e vetëm për të vrarë Harizajn, por atë ditë, për fatin e mirë të shënjestrës, por jo të 27-vjeçarit të ndjerë, mjeti përfundoi në duart e gabuara. Makinën e kishte marrë vjehrri i Harizajt, ndërsa në momentin që ai ka frenuar, tritoli ka rrëshqitur nga vendi ku ishte vendosur e ka rënë në tokë. Në ato caste lënda eksplozive është parë nga Rexhepi, i cili nga kurioziteti e ka marrë në dorë dhe i shpërthyer. Për pasojë, 27-vjeçari humbi jetën, por vdekja e tij mbeti mister deri në momentin që e njëjta makinë shpërtheu me tritol në Tiranë. Policia arriti të zbardhjë vdekjen e Rexhepit, I cili humbi jetën aksidentalisht si pasojë e shpërthimit të lëndes plasëse, ndërsa atentati ndaj bzinesnemit Harizaj dhe Serin Dunit vijon të jetë në hetim. Mikel Harizaj nuk është person i panjohur për policinë. Ai është arrestuar në vitin 2012 në Selenicë të Vlorës pasi akuzohet se pas një sherri në lokal, ka tentuar të vrasë 3 persona duke u hedhur një granatë. Kjo ngjarje mendohet të ketë lidhje me atentatin e ngritur ndaj tij natën e 7 janarit, ndërsa dyshohet se kjo ka ndodhur për hakmarrje.