I zhdukur prej më shumë se 1 viti, këtë të premte në Novobërdë janë gjetur mbetjet kockore, të cilat dyshohet se janë të biznesmenit nga Kosova, Bedri Rexhepi. Rexhepi dyshohej se ishte rrëmbyer që prej 8 prillit të vitit 2021, ndërsa Prokuroria e Prishtinës njoftoi se mbetjet e trupit të gjetura këtë të premte, i përkisnin pikërisht biznesmenit. "Prokurori së bashku me njësitë policore përgjegjëse, Institutin e Mjekësisë Ligjore dhe Forcën e Sigurisë së Kosovës kanë dalë në një zonë kodrinore-malore të Novobërdës dhe gjatë verifikimit të terrenit është arritur të identifikohet një lokacion i dyshimtë me të cilën pas gjurmimit nga njësitë përgjegjëse janë gjetur mbetje mortore të dekompozuara, të cilat dyshohen se I përkasin Bedri Rexhepit, I dyshuar I rrëmbyer që prej muajit prill”, thuhet në njoftimin e grupit hetimor.