Kryetari i Partisë Demokratike , Lulzim Basha përmes një postimi në facebook ka akuzuar sërish qeverinë Rma se për shkak të paaftësisë së saj shumë biznese të vogla po ulin qepenat dhe po falimentojnë. Sipas Bashes çdo muaj janë raportuar me qindra biznese te vogla te mbyllura, sektor që punëson 70% të shqiptarëve. . “Paaftësia e qeverisë Rama për t’i ardhur në ndihmë ekonomisë në këtë kohë krize të thellë, është vrastare për biznesin e vogël i cili punëson 70% të shqiptarëve. Ritmet e mbylljes së bizneseve të vogla po rriten çdo muaj. Sot ato po ulin masivisht qepenat duke lënë pa punë mijëra familjarë prej taksave të larta, korrupsionit dhe tarifave të shumta të pushtetit lokal” thote Basha ne reagimin e tij. Kreu demokrat thote se me planin ekonmik të PD synohet mbështetja dhe nxitja që biznesi i vogël te rritet dhe të ecë përpara. “ Një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin. Karantinimi i çdo inspektoriati për 1 vit, deri në një reformë të vërtetë të standarteve europiane, do të zhdukë terrorin e bandave të inspektoriateve dhe do të rivendosë dinjitetin dhe lirinë e sipërmarrjes”, thuhet ne postimin e Bashes. sipas kreut opozitar shqiptarët meritojnë dhe do të kenë një qeveri që me përgjegjshmëri dhe seriozitet do ti kthejë frymëmarrjen ekonomisë se vendit.