Tre administratorë subjektesh janë proceduar penalisht, pasi kishin zënë një haësirë prej 8 mijë m2, në një zonë të mbrojtur, në vendet e quajtura “Zhanpovel” dhe “Shën Vasil”, për stacion plazhi, bar dhe restorant. Nga verifikimet e kryera ka rezultuar se në këto subjekte kishte punonjës të pasiguruar, si dhe ofroheshin shërbim dhe produkte, pa lëshuar kupona tatimorë. Në kuadër të planit operacional policor të koduar "Plazh i lirë", Seksioni për Hetimin e Krimeve Ekonomike dhe Financiare i policisë Vlorë, ka konstatuar një strukturë druri rreth 500 m2, të ndërtuar pa leje, me fushë veprimtarie bar-restorant, si dhe 300 shezlongë të vendosur, të cilët janë hequr, duke liruar hapësirën publike në Karaburun. Prokuroria e Vlorës po kryen hetime të mëtejshme për rastin në fjalë ndësa bëhet me dije se operacionet policore “Coastline” dhe “Plazhi i Lirë” do të vijojnë intensivisht në qarkun Vlorë.