Një bombardues strategjik “B-52” është duke patrulluar në qiejt e Polonisë, shumë pranë kufirit mes Ukrainës dhe Bjellorusisë, ndërkohë që forcat e Putinit kanë sulmuar Kievin dhe mjaft qytetet të tjera. Sipas “FlightRadar”, bombarduesi është ngritur disa orë më parë nga baza amerikane në jug të Anglisë dhe kaloi në Poloni përmes hapësirës ajrore gjermane. Tensionet janë të larta në rajon pas fillimit të sulmit rus mbi qytetet ukrainase me presidentin rus Vladimir Putin që kërcënoi madje edhe perëndimin duke i thënë të qëndrojë jashtë këtij konflikti. Më herët, polonia iu drejtua natos për ndihmë, duke i kërkuar më shumë trupa në kufijtë e saj ndërkohë që sulmi rus nuk ka kursyer as qytetin ukrainas të Lvivit, që ndodhet pranë kufirit me Poloninë, e ku janë vendosur me shpresën se do të jenë më të sigurt, pjesa dërrmuese e diplomatëve perëndimorë që ndodheshin në Ukrainë.