Bisedimet mes Shteteve të Bashkuara dhe Iranit, që ishin parashikuar të zhvilloheshin më 19 qershor në resortin malor të Burgenstokut nuk do të zhvillohen siç ishin planifikuar, tha Ministria e Jashtme zvicerane përmes një njoftimi të premten. “Bisedimet e planifikuara mes SHBA-së, Iranit, Katarit dhe Pakistanit janë shtyrë”, u tha në njoftim. “Zvicra mbetet e gatshme të ndihmojë këto bisedime. Puna përgatitore në Burgnstok po vazhdon. Aktualisht nuk mund të ofrohen informacione të tjera”, u shtua. Njoftimi vjen pasi një zëdhënës i Shtëpisë së Bardhë tha gjatë natës se zëvendëspresidenti amerikan, JD Vance, ka anuluar udhëtimin e planifikuar për në Zvicër, ku parashikohej që të takohej me negociatorët iranianë për të nisur bisedimet për një marrëveshje të paqes për t’i dhënë fund luftës. Shtëpia e Bardhë përmendi sfida logjistike për shtyrjen e udhëtimit të Vance. Duke përmendur çështje “logjistike”. Bisedimet e 19 qershorit duhej të nisnin dy ditë pasi presidentët e të dy vendeve nënshkruan një memorandum mirëkuptimi që synon përfundimin e luftës në Lindjen e Mesme.