Shqipëria, kohët e fundit është renditur ndër vendet e para në Europë për eksportin e bimëve mjekësore. Pandemia ka bërë që eksporti nga vendi ynë të shumëfishohet duke ndikuar edhe në rritjen e të ardhurave në këtë sektor. Si asnjëherë më parë, eksporti ka vazhduar me ritme të larta edhe gjatë dimrit, kryesisht drejt Greqisë, Gjermanisë, Italisë etj. Ndërkohë që janë angazhuar edhe disa organizata jo qeveritare të cilat po nxisin fermerët të rrisin investimet në kultivimin e bimëve mjekësore.Gramos Osmani, nga Risi Albania, tha në emisionin Ëake Up në Top Channel, se kërkesa për bimë mjekësore është më e madhe nga ajo që vendi ynë mund të ofrojë aktualisht. “Kohët e fundit, sektori i bimëve medicinale ka ecur shumë mirë në lidhje me shifrat e eksportit, me tregjet, por mundësia është shumë më e madhe. Aktualisht në tregjet ndërkombëtare ka më shumë kërkesë, për më shumë sasi, për më shumë cilësi. Gjithashtu është një mundësi për tregun vendas për të pasur produkte të përpunuara, jo thjesht bimë medicinale si lëndë e parë, por edhe të përpunuara. Sektori i bimëve mjekësore, sipas të dhënave, përfshin rreth 100 mijë persona të angazhuar në të. 90% e eksporteve janë bimë të vjela në gjendje të egër ndërkohë që kultivimi ka filluar, por duhet të shtohet edhe më shumë.