Emisioni investigativ “Inside Story” ka publikuar këtë javë fakte dhe prova mbi mënyrën se si disa nga dosjet më të bujshme të drejtësisë shqiptare janë trajtuar ndër vite, nga tragjedia e Gërdecit e deri tek përplasja e fortë mes SPAK-ut dhe ish-kryeministrit Sali Berisha. Në qendër të historisë që Inside Story rikthen, qëndron pikërisht Altin Dumani drejtuesi aktual i SPAK-ut. Inside Story rikujton se në qershor të vitit 2010, Dumani, në një intervistë për televizionin Al Jazeera, u shpreh se sipas hetimeve të kryera asokohe, nuk ishte e nevojshme marrja në pyetje si dëshmitar e Shkëlzen Berishës, djalit të ish-kryeministrit të kohës. I pyetur nëse kishte pasur presion ndaj prokurorëve që trajtonin dosjen, ai u përgjigj prerë se askush nuk kishte ndjerë ndikim politik. Pasi ka kaluar më shumë se një dekade, dosja është rihapur dhe ish-ministri Fatmir Mediu ndodhet nën akuzë.