Kjo e dielë ka shënuar një ulje të rasteve të reja në vend, ndërsa është raportuar për 296 të tilla nga 1 mijë e 874 testime të kryera. Tirana vijon të jetë qarku më i infektuar ku vetëm në 24 orë ka regjistruar 122 raste. Ministria e shëndetësië ka bërë me dije se në 24 orët paraprake janë regjistruar 4 humbje jete. Betejën me virusin e rrezikshëm nuk e fituan një qytetare nga Berati 53 vjeçe, një qytetar nga Kurbini 54 vjeç, një qytetare nga Tirana 83 vjeçe, një qytetar nga Durrësi 83 vjeç. Aktualisht në spitalet COVID po marrin trajtim 129 pacientë, nga të cilët 17 janë në gjendje më të rënduar. Po gjatë kësaj fashe orare janë shëruar 835 qytetarë, duke e çuar numrin e të shëruarve në 256,117 që nga fillimi i epidemisë. Ndëkrohë, 8 mijë e 773 pacientë janë aktivë me covid19 në të gjithë vendin.