Çmimi i naftës ra me më shumë se 4 dollarë për fuci të hënën për shkak të shqetësimeve që vijnë nga kina ku të dhënat ekonomike ishin zhgënjyese dhe ndezën frikën për recesion global. Nafta bruto brent, ra me 4.75 dollarë ose 4.84 për qind për të shkuar në 93.40 dollarë për fuci mesditën e të hënës. Po ashtu rënie shënuan edhe nafta bruto e Ëest Texas Intermediate. Banka qendrore e Kinës, importuesja më e madhe në botë e naftës bruto, ka reduktuar cmimet për të kthyer në jetë kërkesën pasi të dhënat treguan se ekonomia ishte ngadalësuar në mënyrë të papritur në korrik, me fabrikat dhe aktivitetet tregtare të rënduara nga politika e zero tolerancës për covidin dhe një krizë pronash. Prodhimi i rafinerive të vendit u reduktua në 12.53 milionë fuci në ditë, niveli më i ulët ky që nga marsi 2020. Banka qendrore ndërkohë reduktoi parashikimin e saj për produktin e brendshëm bruto të kinës për 2022 në 4 për qind, shifër kjo më e ulët nga parashikimi i mëparshëm prej 4.4 përqindësh, duke paralajmëruar se një rishikim tjetër negativ ishte i mundur. Ndërkohë, rol ka luajtur edhe cmimi i dollarit amerikan. Nafta zakonisht shitet me dollarë, ndaj një kartmonedhë amerikane e fortë e bën produktin më të kushtueshëm për mbajtësit e monedhave të tjera. Në këtë rënie cmimi ka ndikuar edhe Irani, për shkak të bisedimeve bërthamore që ishin në fokus të hënën. Furnizimet me naftë mund të rriten nëse irani dhe SHBA pranojnë ofertën e BE, e cila do të hiqtye sanksionet mbi eksportet iraniane të naftës.