Indianët kanë zënë vendin e parë për numrin më të madh shtetasve të cilët kanë kalaur me gomone në Britaninë e Madhe, duke lënë pas shtetasit shqiptarë, të cilët qëndronin në krye të listës. Mediat ndërkombëtare të cilat shpesh herë kanë ngritur zërin lidhur me këtë problematikë, e cila është kthyer në prioritet për qeverinë britanike, për dëbimin e migrantëve ilegalë nga vendi, shkruajnë se në tre muajt e parë të këtij viti, 673 shtetas indianë u futën në kufirin anglez. Shifër kjo shumë herë më e lartë krahasur me shqiptarët, ku raporti i publikuar nga Home Office, tregoi se vetëm 29 shqiptarë kishin kaluar me gomone në Angli përgjatë kësaj kohe. Kjo shifër është thuajse e njëjtë me atë të 12 muajve të vitit të kaluar dhe 10 herë më e madhe krahasur me të njëjtën periudhë të vitit 2022.