Joe Biden është I vendosur të mos tërhiqet nga gara përballë kundërshtarit të tij politik Donald Trump. Gjatë një tubimi në Detroit, duke folur para turmës mbështetëse të tij, Biden u shpreh se nuk do të tërhiqej nga gara teksa e konsideroi Donald Trump, si një rrezik serioz. Edhe pse në debatin e parë përballë Donald Trump, Joe Biden rezultoi humbës, tashmë ky i fundit duket se po tenton të zhvendosë vëmendjen nga aftësia e tij fizike e mendore për postin e presidentit, tek ajo që e pret Amerinë dhe botën në Trump do të votohej për një mandate të dytë. “Unë po kandidoj dhe do të fitojmë”, tha ai përpara një turme që mbante parulla si, “Mos u Tërhiq!”. “Ka ardhur koha që të mos e trajtojmë më politikën sikur të jetë spektakël televiziv”, tha presidenti Biden. Ai paralajmëroi se “Projekti 2025”, një platformë politikash konservatore që do të përpiqej të zvogëlonte së tepërmi qeverinë federale, përbënte një “rrezik shumë real”. Ndërkohë pas këtij tubimi, sipas zëdhënësit të fushatës së Biden, Michael Tyler kontributet financiare patën një ‘shpërthim’ siç e konsideron ai, gjatë konferencës për shtyp të presidentit Biden, shtatë herë më shumë se niveli i zakonshëm.