Presidenti i Shteteve të Bashkuara, Joe Biden thotë se paraardhësi i tij Donald Trump duhet të ketë qasje në informacionet e zbulimit. Këtë kërkesë, shefi I ri I Shtëpisë së Bardhë e argumenton me “ sjelljen e corientuar të paraardhësit”, dhe shqetësimit se ai mund t’ua japë atë informacion të tjerëve, tha zoti Biden në një intervistë të premten. "Mendoj se jo", tha zoti Biden kur u pyet nga drejtuesja e emisionit CBS Evening Neës, Norah O'Donnell nëse ish-presidenti republikan duhet t’i merrte informat e shërbimeve të inteligjencës. Ish-presidentët amerikanë tradicionalisht kanë marrë vazhduar të marrin disa informacione zbulimi edhe pasi kanë lënë detyrën. Trump e denigronte shpesh komunitetin e zbulimit dhe nuk preferonte raportime të gjata të inteligjencës gjatë mandatit të tij në Shtëpinë e Bardhë. Ai kishte vënë gjithashtu në pikëpyetje përfundimet e zbulimit amerikan sipas së cilave Rusia kishte ndërhyrë në zgjedhjet e vitit 2016.