Pasi presidenti Joe Biden rezultoi pozitiv për covidin, ai po qëndron në izolim në shtëpinë e tij, por, mund të njoftojë në fundjavë, pas përfundimit të konventës republikane, heqjen dorë nga gara për tu rizgjedhur në shtëpinë e bardhë. Mediat amerikane, kanë raportuar lajmin duke cituar disa eksponentë të rëndësishëm të partisë demokratike, sipas të cilëve, presidenti privatisht është dorëzuar para presioneve në rritje dhe sondazheve negative. Liderët demokratë të kongresit presin që zëvendëspresidentja kamala harris të bëhet kandidatja e tyre në rast tërheqjeje të Bidenit. Persona të afërt me bidenin kanë thënë për Nju Jork Tajms se presidenti po e pranon mundësinë e tërheqjes nga gara. Një nga këto persona ka bërë të ditur se ai po e kupton më mirë realitetin dhe se nuk duhet të habitet askush nëse biden bën shpejt një njoftim për tërheqjen e tij. Të gjithë personat që kanë folur për Nju Jork Tajms, e kanë përshkruar situatën si jashtëzakonisht delikate. Ndërkohë, NBC thotë se stafi i Bidenit po përgatitet për fundin. Një burim nga rrethi politik i bidenit thotë për NBC se jemi afër fundit. Mes stafit të Bidenit ekziston ndjesi se gjërat kanë ndryshuar dhe se disa prej mbështetësve të të presidentit mendojnë se ai duhet të mënjanohet tani. Mes tyre edhe ish presidenti barak Obama.