Presidenti amerikan Joe Biden ka thënë se vrasja e liderit të Hamasit Ismail Haniyeh “nuk i ndihmon” bisedimet për një armëpushim të mundshëm në Gaza. Haniyeh u vra gjatë një vizite në kryeqytetin e Iranit, Teheran, të mërkurën. Irani dhe aleatët e tij kanë fajësuar Izraelin, megjithëse Izraeli vetë ende nuk ka bërë komente. Haniyeh ishte zyrtari më i lartë i Hamasit dhe ishte shumë i përfshirë në bisedimet e armëpushimit dhe lirimit të pengjeve nga baza e tij në Katar. Biden tha se ishte "shumë i shqetësuar" për rritjen e tensioneve në Lindjen e Mesme. "Ne kemi bazën për një armëpushim. Kryeministri izraelit Benjamin Netanyahu duhet të lëvizë dhe Hamasi duhet të lëvizë tani." Izraeli dhe Hamasi rifilluan kohët e fundit bisedimet indirekte për të arritur një armëpushim në luftën në Gaza, megjithëse ka pasur raporte kontradiktore për përparimin. Në fund të majit, Biden përshkroi ato që ai tha se ishin kushtet e një propozimi izraelit për armëpushim.