Trupat e pajetë të tre ushtarëve amerikanë të vrarë në jordani në një sulm me dronë fundjavën e shkuar, u kthyen në atdhe dhe vetë presidenti Joe Biden doli për ti pritur ata. Tre ushtarët e vrarë janë identifikuar tashmë si 46 vjecari Uilliam Zherom Rivers nga Carrollton në Xhorxhia, 24 vjecari Kenedi Ladon Sanders nga Uajkros në Xhorxhia dhe 23 vjecarja Breona Aleksandria Moffet nga Savanah po në Xhorxhia. Presidenti Biden iu bashkua familjeve të ushtarëve të vrarë në bazën ajrore të Doverit, në Delauer. Pas një takimi privat me ta, presidenti vendosi dorën mbi zemër ndërsa arkivolët e mbuluar me flamurin amerikan u zbritën nga avioni. Biden, i veshur me një pallto të zezë dhe me trishtim në fytyrë, u afrua dhe u përkul para arkivolëve ndërsa një lutje thuhej për ushtarët e rënë. Më pas, me lëvizje solemne një ekip prej shtatë ushtarësh, vendosi arkivolët mbi makinat që do ti conin drejt banesave të fundit të tyre. Sulmi me dronë i kryer nga militantë të mbështetur nga Irani në bazën amerikane në Jordani, të njohur si Kulla 22, lëndoi po ashtu edhe rreth 40 trupa. E ndërsa SHBA nisi edhe hakmarrjen e saj, frika për një luftë më të gjerë në lindjen e mesme, është tani në qiell.