Pasi presidenti amerikan Joe Biden autorizoi përdorimin e raketave me rreze të gjatë veprimi të furnizuara nga SHBA në Ukrainë për sulme brenda Rusisë, një politikane ruse ka deklaruar për agjensinë e lajmeve Reuters se një gjë e tillë është rrezik për fillimin e një lufte të tretë botërore. "Këta njerëz, administrata e Bidenit, po përpiqet të përshkallëzojë situatën në maksimum, ndërsa ata ende kanë pushtet dhe janë ende në detyrë. Unë kam një shpresë të madhe që Trump do ta kapërcejë këtë vendim nëse kjo është marrë sepse ata po rrezikojnë seriozisht fillimin e Luftës së Tretë Botërore, gjë që nuk është në interesin e askujt”, ka deklaruar ajo. Vendimi i Biden është një ndryshim i madh në politikën e SHBA. Zgjedhja ka ndarë këshilltarët e tij dhe ndryshimi i tij vjen dy muaj përpara se presidenti i ardhshëm Donald Trump të marrë detyrën në janar.