Presidenti amerikan Joe Biden i ka bërë thirrje Kongresit të vendosë kufij në mandatin e nëntë anëtareve të gjykatës. Propozimi i tij u publikua të hënën nga Shtëpia e Bardhë, megjithëse ka pak gjasa të miratohet në Kongres. Gjithashti presidenti Biden kërkoi nga Kongresi që të miratojë dhe një amendament kushtetues, për të anuluar vendimin e fundit historik të Gjykatës së Lartë, që përcaktoi se ish-presidentët kanë imunitet të gjerë nga ndjekja penale. Biden po bën thirrje për kufizimin e mandatit të përjetshëm që gëzojnë aktualisht anëtarët e Gjykatës së Lartë me arsyetimin se kufizimet në mandatit e anëtarëve të gjykatës, do të bënin që përbërja e institucionit të ndryshonte. Megjithatë sipas Assciated Press, demokratët shpresojnë se kjo do të ndihmojë në tërheqjen e vëmendjes së votuesve, teksa vlerësojnë se kë do të zgjedhin më 5 nëntor, ndërsa sondazhet tregojnë se gara është e ngushtë. Kandidatja e mundshme demokrate, Nënpresidentja Kamala Harris, thotë se gara e saj kundër ish-presidentit republikan Donald Trump është një zgjedhje mes lirisë dhe kaosit.