Presidenti amerikan Joe Biden tha se do të marrë masa për të lehtësuar mungesën e testeve për COVID-19 ndërsa varianti Omicron përhapet në të gjithë shtetet e vendit këtë javë festash, duke kërcënuar të mbingarkojë spitalet dhe të prishë planet e udhëtimit. Biden tha se hapat e administratës përfshijnë aktivizimin e një ligji për Prodhimin e Mbrojtjes për të rritur prodhimin e testeve që bëhen në shtëpi dhe për ta bërë më të lehtë përdorimin e faqes Google nga amerikanët për të gjetur një qendër testimi pranë tyre. Presidenti Biden e pranoi se përpjekjet kishin qenë të pamjaftueshme. "Duke parë se sa e vështirë ishte për disa njerëz të bënin testin këtë fundjavë tregon se kemi më shumë punë për të bërë," tha zoti Biden gjatë një takimi virtual mes ekipit të administratës për luftën ndaj COVID-19 dhe një grupi guvernatorësh të shteteve. "Padyshim që janë të pamjaftueshme. Po ta kishim ditur, do të kishim vepruar më me shpejtësiu nëse do të kishim mundur."