Presidenti amerikan Joe Biden ka nisur udhëtimin e parë zyrtarë të tij jashtë vendit me një paralajmërim për Rusinë, duke thënë se ajo përballet me pasoja të rënda nëse do të vazhdojë të angazhohet në aktivitete të dëmshme. Biden i bëri të qarta qëndrimet e tij për të forcuar lidhjet me aleatët e amerikës, pas një ftohjeje të tyre nën administratën trump. Presidenti Biden mbërriti në britaninë e madhe të mërkurën dhe do të takohet me kryeministrin britanik, Boris Johnson, me të cilin do të bien dakord për një marrëveshje të re atlantike. Marrëveshja do të jetë një version modern i asaj të nënshrkuar nga Uinston Cërcill dhe Franklin Rusvelt në 1941, me fokusin tek sfidat si ndryshimet e klimës dhe siguria. Gjatë vizitës shumë intensive tetë ditore në Evropë, Biden do të takohet edhe me mbretëreshën elisabetë në kështjellën e uindsorit, do të marrë pjesë në samitin e G7-tës dhe do ti bashkohet samitit të parë të NATO-s si president amerikan. Në fund të udhëtimit ai do të takohet me presidentin rus Vladimir Putin, në gjenevë të zvicrës. Shtëpia e bardhë ka përcaktuar tashmë një varg cështjesh që ai do të trajtojë me homologun rus, përfshirë kontrollin e armatimeve, ndryshimet e klimës, përfshirjen ushtarake të rusisë në Ukrainë, aktivitetet kibernetike të rusisë dhe burgosjen e disidentit Alexei Navalny.