Presidenti amerikan Joe Biden do të propozojë një rritje taksash për amerikanët e pasur. Propozimi mund të ngrejë shkallën e margjinit dhe të rrisë taksat mbi fitimet në investime për të pasurit. Rritja e taksës do të ndihmonte në sektorë si kujdesi për fëmijët dhe arsimi, por nuk do të përdorej për kujdesin shëndetësor. Shtëpia e bardhë thotë se plani Familja amerikane, që Biden pritet ta prezantojë të plotë javën e ardhshme, nuk do të prekë familjet që fitojnë më pak se 400 mijë dollarë në vit. “Presidenti mendon që kjo duhet të peshojë mbi amerikanët e pasur që mund ta përvallojnë dhe mbi korporatat dhe bizneset që munden ta përballojnë po ahstu”, tha zëdhënësja e shtëpisë së bardhë, Jen Psaki. Propozimi do ta rriste taksën mbi të ardhurat në 39.6 për qind, nga 37 që është aktualisht. Lëvizja do të përmbyste vendimin e donald trump, në 2017, për një reduktim të taksës për ata që fitonin më shumë para. Plani do të bënte që thuajse të dyfishohej taksa mbi fitimet në bursa, duke shkuar në 39.6 për qind për personat që fitojnë më shumë se 1 milionë dollarë. e kjo është një rritje dramatike nga 20 për qind që është aktualisht. Në disa shtete, që vendosin edhe taksat e veta mbi fitimet, shifra totale me të cilën do të mund të përballeshin investitorët do të shkonte në mbi 50 për qind. Plani sidoqoftë do të mund të ndeshej me rezistencë nga republikanët në kongres.