Presidenti amerikan Biden ka rritur drastikisht tarifat për mallrat e importuara kineze. Ky vendim i administratës së tij rishikon politikat tregtare të ish Presidentit Donald Trump ndaj Kinës. Në një analizë krahasuese mes Trump dhe Biden, Zëri i Amerikës tregon ngjashmëritë dhe dallimet të dy kandidatëve presidencialë lidhur me këtë temë. Qëndrimi i fortë ndaj Kinës është një nga ato pak tema për të cilën bien dakord si demokratët dhe republikanët, përfshirë Presidentin Biden. “Për vite me radhë qeveria kineze ka derdhur para publike në kompanitë kineze në disa degë të industrisë si në alumin, gjysmëpërçuesit, makinat elektrike, panelet diellore, industritë e së ardhmes”, thotë Biden. Dhe paraardhësi i tij, ish-presidenti Donald Trump thotë: “Kina tani po na konkurron në mënyrë të pandershme”. Si Biden dhe Trump thonë se duan të ndëshkojnë Kinën për praktikat tregtare që shkelin rregullat ndërkombëtare. Një tjetër dallim i rëndësishëm është se Presidenti Biden harmonizon përpjekjet e tij me aleatët, duke përfshirë Grupin e Shtatë vendeve të industrializuara, G-7. Trump thotë se qasja e tij më e gjerë e tarifave prej miliarda dollarësh është më e mirë, ndërsa Biden thotë se masat ndaj disa sektorëve specifikë janë më efektive. Pamjet: AFP