Beyoncé vazhdon turneun e saj të suksesshëm të quajtur Rilindja dhe duke mbërritur në shtetin e Kalifornisë, ajo arriti të bëhej kryetare bashkie! Këngëtarja e njohur mori titullin e kryebashkiakes së nderit të Santa Clara-s dhe përmes menaxherit të saj të marrëdhënieve me publikun mori edhe çelësin e qytetit. Vetë ajo nuk mundi të ishte në ceremoninë që e shpalli kryebashkiake nderi, për shkak të angazhimeve profesionale, megjithatë, çelësi i qytetit të Santa Clarës doli në skenë po atë natë dhe Beyonce shprehu gëzimin dhe mirënjohjen e saj për iniciativën e qytetit. "Unë jam shumë e ngazëllyer. Jam shumë e lumtur që jam në këtë skenë. Fytyrat tuaja janë shumë të bukura. Sot është një ditë e veçantë... sepse unë jam kryetar bashkie” , ka thënë ylli i muzikës, duke ndërprerë në një moment koncertin e saj. Ndërkohë, në rrjetet sociale Beyonce postoi edhe foto nga koncerti, ku natyrisht nuk mungonin as ato me çelësin e qytetit.