Forcat ruse që sulmuan rajonin verilindor të Harkivit në Ukrainë janë përfshirë në luftime në periferi të qytetit kufitar të Vovchanskut, thanë trupat e Kievit, ndërsa Presidenti Volodimir Zelenski foli për luftime të ashpra atje dhe në lindje të vendit. Trupat e Moskës hynë në rajonin e Harkivit të premten, duke hapur një front verilindor në luftën 27-mujore që është zhvilluar prej kohësh në jug dhe në lindje. Kharkiv, qyteti i dytë më i madh i Ukrainës, ndodhet 30 km larg nga kufiri rus. Ushtarët që ktheheshin nga një mision luftarak në zonë thanë se luftimet kishin arritur deri në skajet e Vovchanskut, një qytet rreth 4 km larg nga kufiri dhe 45 km nga qyteti i Harkivit. "Qyteti është i yni. Rusët po shtyhen në periferi, por ne po rezistojmë. Dhe ne do të luftojmë deri në fund për çdo metër tokë"m tha një ushtar ukrainas. "Djemtë tanë u rrethuan. Ne i ndihmuam. Ata dolën dhe vendosën një vijë mbrojtëse përgjatë rrugës, duke i shkaktuar humbje të konsiderueshme këmbësorisë armike", shtoi ai. Në një raport pas mesnatës, Shtabi i Përgjithshëm i Ukrainës tha se forcat ruse kishin arritur "sukses taktik" me 14 nga 22 përpjekjet për përparime në zonë që ende po vazhdojnë. Luftimet ishin të ndezura rreth Vovchanskut, tha shtabi i përgjithshëm ukrainas, me forcat ruse që po përqendrojnë burime të shumta në sulm. Por, ushtria e kievit tha se trupat ruse "nuk po merrnin parasysh aspak humbjet e tyre", me të paktën 100 të vdekur të luftimet e fundit. Ushtria ruse thotë se ka marrë kontrollin e të paktën nëntë fshatrave kufitare në rajonin e Harkivit. Kievi në anën tjetër thotë se po zmbraps sulmet dhe po lufton për të kontrolluar vendbanimet. Disa media ruse raportuan se trupat e moskës kishin hyrë tashmë në Vovchansk nga ku më herët ishin evakuuar rreth 6 mijë banorë. Në 2022, menjëherë pas fillimit të pushtimit të Ukrainës, forcat ruse arritën deri në periferi të qytetit të Harkivit, para se të zbrapseshin nga mbrojtja e Kievit.