Partia Demokratike ka ende shumë çështje për të zgjidhur brenda vetes. Zgjedhjet lokale të 14 majit janë në prag dhe sherri mes të dy grupimeve në PD ka vetëm një emër; të kujt do të jenë komisionerët, të Alibeajt, apo të Berishës. 29 janari është afati i fundit që Komisioni Qendror i Zgjedhjeve ka vendosur për partitë që të dorëzojnë propozimet për komisionerët e Zonave të administrimit zgjedhor. E drejta për të çuar emrat e anëtarëve të Komisioneve zonale të administrimit zgjedhor, i takon Partisë Demokratike që drejtohet nga Enkelejd Alibeaj.