Forcat ukrainase kanë dalë në rrugët e Kievit me trupat e rojës kombëtare që janë parë të marrin pozicione mbrojtëse përgjatë një autostrade, pak para se gjëmimet e shpërthimeve dhe të shtënat e armëve të nisnin, në përballjen me forcat ruse për kontrollin e kryeqytetit. Njerëzit e Putinit tani mendohet se janë brenda qytetit, edhe pse vendndodhja e tyre e saktë apo numri i tyre është i paqartë. Luftime janë raportuar në Obolon, në periferi të qytetit, në orët e paraditesh ndërsa ministria e mbrojtjes i ka kërkuar banorëve të bëjnë konktejle molotov për tia hedhur pushtuesve. Pushkë i janë shpërndarë po ashtu civilëve ndërsa presidenti zelenski i kërkoi cdo evropiani që do të donte të ndihmonte vendin, të udhëtonte drejt ukrainës dhe të bashkohej në mbrojtje të saj. Autoritetet ukrainase kanë përdorur mjetet e blinduara dhe borëpastrueset madje për të mbrojtur kievin dhe për të kufizuar lëvizjet dhe thonë se spiunët rusë po tentojnë të infiltrohen në qytet. Ushtria ruse tha se ka marrë kontrollin e një aeroporti strategjik jashtë Kievit që do të lejonte grumbullimin e shpejtë të forcave rreth qytetit. Ajo pretendon se ka ndërprerë qytetin nga pjesa perëndimore, që përbën edhe drejtimin që zgjedhin shumë nga ukrainasit që po përpiqen ti largohen luftës. Luftime të ashpra ka patur në një urë mbi lumin Dnieper që ndan anët lindore dhe perëndimore të Kievit, me rreth 200 fo0rca ukrainase të vendosura në pozicione mbrojtjeje dhe në mjete të blinduara. Trupat ruse mendohet se kanë ardhur nga veri perëndimi pasi kanë marrë nën kontroll më herët cernobilin. Akoma më shumë trupa ruse po avancojnë drejt Kievit nga Konotopi në lindje, pasi kanë anashkaluar qytetin Chernihiv ku janë përballur me rezistencë të fortë ukrainase.