Ish-kryemistri Sali Berisha kërkon nga deputetët e grupit të tij parlamentar angazhim maksimal në çështjen e Parkut Kombëtar të Butrintit, çështje kjo që pritet të nisë gjykimin këtë të enjte. Sipas Berishës, pasuria kombëtare po tentohet ti jepet mafias. Janë me dhjetëra mafiozë në pushtet që kanë parashikuar ku do ndërtojnë vilat. E konsideroj jashtëzakonisht të rëndësishme këtë mbrojtje. Ne do e vazhdojmë gjer në fund betejën. Unë kam pasur marrëdhënie shumë të mira me presidentin e fonacionit, Granoff, por mbeta i zhgënjyer kur tha se çfarë bën qeveria me pjesën e shkëputur, nuk më interes. U gjet një mekanizëm për të thënë që nuk është puna ime, por ajo është pasuri e shqiptarëve. Berisha ndër të tjera kërkoi që deputetët të ndjekim me vëmendje çdo seancë në Kushtetuese. 15 qeshrori shënon seancën e pare në Kushtetuese, ku demokratët e përfaqësuar nga Ina Zhupa, deputete e zones, kërkojnë zhbërjen e koncesionit për Butrintin. Në krah të kësaj kërkesa janë rreshtuar shumë organizata ndërkombëtare, teks Zhupa pritet të shfaqë argumentet e saj si dhe mbështetjen nga UNESCO.