Kjo e mërkurë është një ditë betejë me drejtësinë për familjen e ish kryeministrit Sali Berisha. Teksa në Gjykatën e Lartë po zhvillohet seanca për rekursin që grupimi i Rithemelimit i Sali Berishës ka depozituar për vendimin e 3 marsit, ku Apeli i Përgjithshëm ktheu në shkallë të parë çështjen e logos dhe vulës së Partisë Demokratike, para gjykatës së Lartë po zhvillhet protesta e thirrur nga Berisha. Në mars të këtij viti Gjykata e Apelit vendosi rrëzimin e vendimit të gjyqtarit Agron Zhukri dhe kthimin e çështjes për shqyrtim në shkallë të parë me trupë tjetër gjykuese. Për shkak të protestës forca të shumta sigurie janë mbledhur para gjykatës, ndërkohë që protestuesit kanë bllokuar rrugën dhe qarkullimin e automjeteve. Nga ana tjetër Shkëlzen Berisha, është paraqitur në SPAK për të dëshmuar lidhur me tragjedinë e Gërdecit. Ku ka deklaruar se pas seancës do të prononcohet për mediat.