Deputetja e Partisë Demokratike, Jorida Tabaku, ka reaguar ndaj deklaratave dhe propozimeve të kryeministrit Edi Rama për përballimin e kostos së lartë të jetesës, duke akuzuar qeverinë se nuk po merr masa konkrete për uljen e çmimeve. Në fjalën e saj nuk munguan as ironitë ndaj platformës së qeverisë ‘besa’. ‘Qeveria, në vend që të ndërmarrë veprime konkrete, premton se do të lidhë ‘Besën’. E vetmja besë që ata kanë lidhur është ajo me këtë sistem, me kostot e larta dhe me korrupsionin’ Ajo renditi taksat, mungesën e konkurrencës, ekonominë informale dhe paranë e zezë si disa prej faktorëve që, sipas saj, ndikojnë në nivelin e lartë të çmimeve. Në fund të reagimit, deputetja e PD-së e zhvendosi mesazhin te zhvillimet politike, duke deklaruar se qytetarët nuk kërkojnë më premtime, por ndryshim.