Sali Berisha votoi në selinë qendrore të Partisë Demokratike në referendumin ku ka thirrur anëtarësinë për ta votëbesuar me parimin ‘një anëtar, një votë’. Në deklaratën para gazetarëve, ai përshëndeti demokratët dhe procesin e konsideroi shembullor. Në një proces në të cilin në mënyrën më demokratike referendare i shprehin besimin, ose shprehin vullnetin e tyre për kryetarin apo dhe kundër tij. I garantoj, i garantoj se do të përmbush me përkushtim të madh detyrimet e mia ndaj besimit të tyre, ndaj qëndrimeve të tyre. Berisha akuzoi Ervin Salianjin si përfaqësues të botës së krimit, nga e cila tha se PD e ka ndarjen për jetë a vdekje.