Ish-kryeministri Sali Berisha e konsideron hipokrizi dhe paturpësi deklaratën e kryeministrit Edi Rama, pas vendimit të Kuvendit për heqjen e imunitetit të deputetit për ish-zëvendësin e tij Arben Ahmetaj. Në një postim në Facebook, Berisha ndër të tjera shprehet: “Në vend se t’iu kërkonte ndjesë qytetarëve për arratisjen e zëvendësit dhe bashkëpunëtorit të tij më të ngushtë Arben Ahmetaj, dhe të dënonte me forcën më të madhe aktin e tij të turpshëm, Edi Rama zbatoj kodin e heshtjes së mafies dhe nuk shqipëroj një fjalë të vetme jo për ndjesë, por as për aktin e pashembullt në histori të arratisjes së zëvendësit të tij zëvendëskryeministrit të vendi dhe nuk dënoi me një fjalë të vetme, arratinë e tij nga vendi për ti shpëtuar sallës së gjyqit. Ai në vend të këtyre zgjodhi me paturpësinë dhe hipokrizinë më të madhe të ju mburrej shqiptarëve me drejtësinë e re, me drejtësinë në kontrollin e tij me zëvendëskryeministër të pandehur në arrati.” Më tej ish-kryeministri i drejton disa pyetje Ramës. “- Edi Rama nëse je kaq krenarë për drejtësinë e re, si shpjegohet që shqiptarët janë mbajtur më gjatë në burg për faturën e dritave, se sa ministrat e tu të dënuar për trafiqe dhe droge? Si shpjegohet që nuk i është sekuestruar pasuria asnjë prej bashkëpunëtorëve të tu që janë në burg?”, shkruan ndër të tjera Berisha. Si përgjigje ndaj kësaj, ish-kryeministri kërkon nga shqiptarët të veprojnë si qytetarët europianë kur ndodhin të tilla ngjarje, duke paralajmëruar protesta të mëdha.