Top News- Berisha thërret protestë më 11 shkurt/ ‘Koha që të flasë opozita deri në largimin e Ramës’

Data 11 shkurt ora 12 është zgjedhur nga Kryesia e Partisë Demokratike për të organizuar protestën e radhës kombëtare, para kryeministrisë këtë herë me motiv kryesor reagimin ndaj çështjes McGonigal dhe kërkimi i dorëheqjes së kryeqeveritarit Edi Rama. Lajmi u dha nga kryedemokrati Sali Berisha pas mbledhjes së Kryesisë. Ndërkohë gjatë mbledhjes, Berisha e konsideroi si skandal çështjen McGonigal dhe si një tentativë për grusht shteti, teksa nuk la jashtë akuzave as paraardhësin e tij Lulzim Basha. Ngërkohë dërgimin e çështjes në SPAK dhe kërkesën e Prokurorisë ndaj Bardhit e konsideroi si një tentativë për të mos hapur hetimet.