2 orë zgjati protesta e thirrur nga ish-kryeministri Berisha i cili nga podiumi, përballë mijëra protestuesve, shpalli për herë të parë kryeministrin Edi Rama armik, i cili gjatë protestës ndodhej në Vlorë. Ai tha se demokratët nuk veprojnë në pabesi. Duke adresuar një sërë problematikash numri një i selisë blu kërkoi daljen nga Open Balkan, ndërsa i bëri thirrje BE për çeljen e negociatave. Në protestën e së enjtes, thirrjes për të qenë në shesh iu përgjigjën një sërë deputetësh të PD, kritikë të tij, si Ervin Salianji, Lindita Metaliaj, Bledian Nallbati, Lefter Gështenja, Kastriot Piroli, Tomor Alizoti, Grida Duma, Dashamir Sula, Dhurata Çupi, por edhe nga aleatët.