Partia Demokratike nuk do të mbështesë asnjërin nga pesë kandidatët në garën për prokuror të përgjithshëm. Berisha - Jo, ne nuk marrim pjesë në përzgjedhje emrash. Pas aktit të tyre me Avokatin e Popullit, ne kemi ndërprerë çdo lloj bashkëpunimi në përzgjedhjen e emrave. Por mund të them që Prokurori i Përgjithshëm sot është institucioni më i zhveshur nga çdo kompetencë dhe kur dëgjoj ndonjëherë raportin e tij, ai flet sikur është drejtori i statistikave të policisë. Është një zhveshje e gabuar, e gabuar që i kanë bërë atij sepse ai është institucion kushtetues, është institucion kushtetues dhe ta lësh atë sa për disa statistika, kjo është një akt. Kreu i demokratëve, Sali Berisha foli pas paraqitjes në SPAK në zbatim të masës së sigurisë, ku kërkoi ndërhyrje në ligjet mbi të cilat janë ngritur dhe funksionojnë organet e posaçme të drejtësisë.