Sali Berisha akuzoi Gjykatën Kushtetuese se me vendimin e marrë në rastin e masave të sigurisë të caktuara ndaj tij ka krijuar precedentin për të shpëtuar në të ardhmen ministrat që janë nën hetim dhe akuzë nga drejtësia. Berisha - Gjykata Kushtetuese me një vendim të koduar, partia, shpalli jo kushtetues vendimin ndaj meje por nuk e shfuqizoi atë. Ndërkohë që ai vendim ka pasoja edhe sot. Pra, nuk e shfuqizoi duke pretenduar se nuk është më në fuqi, por në fuqi janë pasojat e tij. Dhe vendimi në çdo doktrinë, përveç në atë të partisë së krimit, vendimi duhej shfuqizuar. Çfarë bëri me vendimin që mori. Mori një vendim në favor të Lubisë dhe Lubive të tjera që do të shkojnë aty. Sepse hapi rrugën të shfuqizojë vendimet e tjera. Vendimin tim nuk e shfuqizoi duke pretenduar se nuk është në fuqi, duke pretenduar se ajo merret vetëm më vendimet që janë në fuqi, çka nuk është ashtu. Ajo merret me vendimet që janë në fuqi dhe që kanë pasoja. Nuk është zhdukur. Pasoja e atij vendimi është fakti që unë jam sot këtu para jush. Kjo është një nga pasojat. Këto komente Berisha i bëri në daljen tradicionale pas paraqitjes në SPAK, ku avokatët e tij kanë kërkuar që të thirret si dëshmitar edhe Kryeministri Edi Rama. Berisha tha se ai vetë nuk ka asnjë firmë te ‘Partizani’, ndërsa Rama ka.