Kryetari i Partisë Demokratike, Sali Berisha thotë se opozita gëzon mbështetje të fuqishme ndërkombëtare, që ai thekson se u dha gjatë punimeve dyditore të Kongresit të Partive Popullore Europiane, që u mbajt në Valencia të Spanjës. Berisha njoftoi se PPE miratoi rezolutën e katërt brenda pesë muajsh që dënon qeverisjen e Ramës, duke theksuar se Partia Demokratike ka marrë një mbështetje të plotë nga PPE dhe aleatët ndërkombëtarë në rrugën drejt integrimit europian. Sinkron Berisha - PD dhe populli opozitar, mori një mbështetje të plotë dhe totale nga PPE. Pra, mendoj se sot, populli opozitar, pikërisht pak ditë para zgjedhjeve, merr një thirrje, merr një kushtrim për t’u ndarë nga të gjitha këto problematika të rënda të krijuara nga regjimi, në mënyrë që, PPE, 14 kryeministra të kësaj organizate, të mund të mbështesin Shqipërinë në rrugën e integrimit europian. Kreu i PD mori pjesë në këtë Kongres, ku të shtunën mbajti edhe një fjalim.