Ish-kryeministri Sali Berisha ka bërë publike atë që e quajti si programi i emergjencës për situatën në të cilën ndodhet ekonomia vendase, teksa paralajmëroi kryeministrin Rama se nëse kërkesat nuk merren parasysh, do të përballet me revolta. Sipas numrit një të selisë blu, edhe pse ende nuk ka një vendim të formës së prerë nga apeli, një kërkesë emergjente është subvencionimi i transportit urban dhe interurban. Në këto rrethana emergjente, PD kërkon vendosjen e menjëhershme të subvencionimit të plotë të të gjitha biletave të transportit urban dhe interurban në territorin e Shqipërisë. Ky propozim i PD nuk është i pabazuar, por i bazuar te një seri vendesh evropiane. Ju kujtoj këtu se në Gjermani, me një biletë mujore prej 9 eurosh, lëviz në mbarë vendin. Ndërkohë kërkesa tjetër ka të bëjë me përgjysmimin e taksës për hidrokarburet, si masa kryesore që sipas Berishës do të ndikonte në uljen e çmimeve.