Demokrati Sali Berisha hodhi akuza për lidhje të dyshimta të kryeministrit Edi Rama me Genadi Timchenko, pronar i një kompanie ruse ‘Gunvor’ të naftës, mik i Vladimir Putinit. I izoluar në banesën e tij, në rrugën Mustafa Matohiti, ku po qëndron nën masën e sigurisë “arrest shtëpie’ për dosjen e privatizimit të ish kompleksit Partizani, ish kryeministri Sali Berisha ngriti pyetjen se pse nuk po kryehen hetime për kreun e qeverisë, Edi Rama. Berisha: “Dje një mik sekret i ngushtë i Edi Ramës, pronari i Gunvorin, rusi Timçenko me të cilin Rama fshehtas dhe zyrtarisht është takuar së paku 4 herë, me mikun e Putinit. Erdhi dhe i dha Ballshin. Del tani se ortaku i tij ruan paratë e Edi Ramës dhe Erion Veliajt të inceneratorëve. SHBA e dënuan atë me 660 mln dollarë gjoba sepse kishte korruptuar zyrtarë në Ekuador. Po Edi Rama sa ka marrë nga Gunvor, çfarë marrëveshjes sekrete ka bërë me të. Presim ne ta hetojë njeri? Jo.”