Asambleja e Partive Popullore Europiane miratoi një rezolutë të propozuar nga Partia Demokratike ku e djathta ngre shqetësime në nëntë pika. Rezoluta shpreh shqetësim për integritetin institucional, korrupsionin endemic dhe mungesën e zgjedhjeve të lira dhe të ndershme sipas standardeve të OSBE. Shqetësim shprehet edhe për polarizimin e thellë dhe konfrontimin e ashpër politik si dhe ngushtimin e hapësirave parlamentare të opozitës. Veç zgjedhjeve dhe klimës politike, e djathta europiane shpreh në rezolutë shprehet shqetësim edhe Rezoluta thotë se PPE shpreh shqetësim mbi raportimet për akuza të dyshuara politike ndaj udhëheqësve të opozitës, deputetë, kryetarë bashkish, që sipas rezolutës po u kufizohen të drejtat mbi akuza të motivuara politikisht. Përmes rezolutës, PPE u bën thirrje të gjitha autoriteteve shqiptare që të garantojnë të drejtat kushtetuese dhe standardet demokratike ndërkombëtare, për të siguruar një mjedis transparent dhe të drejtë për të gjithë aktorët politikë, pa persekutim dhe intimidim të opozitës, sidomos në tani që po afrojnë zgjedhjet. PPE i kërkon qeverisë që të përshkallëzojë përpjekjet dhe luftën ndaj krimit të organizuar, trafikut të drogës dhe pastrimit të parave përmes masave transparente që garantojnë se kjo luftë nuk do të shënjestrojë vetëm opozitën.