Ulja e çmimit të energjisë elektrike, caktimi i minimumit jetik dhe rritja e pensioneve janë pikat kryesore të programit elektoral ekonomik të Partisë Demokratike; i cili u prezantua gjatë një vizite të kryetarit Sali Berisha në tregun industrial të Tiranës. Berisha: “Do ulim çmimin e energjisë me tre herë. Çmimin e ujit me dy herë. Do rrisim tavanin pa taksa nga 140 mijë në 180 mijë euro. Pra, kemi një kuadër emergjence. Do falim të gjitha gjobat mbi ju. Ata që kanë vendosur gjoba mbi ju do ikin drejt të shkuarës sepse ju keni qëndruar me heroizëm ndaj këtij regjimi që ka menduar se si të rëndojë me taksa biznesin e vogël në interes të oligarkëve.” Krahas uljes së çmimeve dhe rritjes së pensioneve, Berisha premtoi edhe një kartë konsumatori për të përfituar ushqimet e shportës më lirë.