Sali Berisha mbrojti dakordësinë me socialistët për rezolutën e miratuar me 114 vota pro të enjten për anëtarësimin e vendit në Bashkimin Europian. Kreu i PD iu përgjigj kritikave se rezoluta nuk përmbante asnjë emër nga nga ministrat që ka akuzuar si pengesë për integrimin, duke thënë se ata nënkuptohen mes paragrafeve të dokumentit. Kërkesat ndaj qeverisë janë parashtruar sepse ajo nuk ka asgjë në atë fushë. Dhe në fund konkludohet që integrimi në BE duhet të jetë i bazuar në meritë, ashtu siç ka kërkuar PD gjithnjë. Pra, është e vërtetë ajo që thoni, por është e vërtetë se me nënkuptim janë në çdo paragraf. Përndryshe nuk do kisht rezolutë. Por ne besojmë se ajo rezolutë paraqet në njëfarë aspekti, duke zhveshur totalisht nga çdo pretendimi i gjer sotshëm i parlamentit dhe qeverisë, përbën një qëndrim të opozitës, e cila prej dy vitesh ka një deklaratë. Deklarata e saj është kjo: që ne mbështesim plotësisht procesin e integrimit, por theksojmë se Shqipëria përveç kriterit gjeopolitik, që është një kriter shumë i rëndësishëm, nuk plotëson asnjë kriter tjetër. Në qoftë se e lexon me këtë sy atë rezolutë, kjo që kemi shprehur dy vite më parë, mishërohet në çdo paragraf të saj.