Në programin tonë, në rast se do e nisim nga pastrimi i shtëpisë tonë, ne do të kalojmë në luftën me zero tolerancë ndaj krimit të organizuar dhe korrupsionit. Kjo luftë synon goditjen dhe çmontimin e të gjitha grupeve dhe organizatave kriminale, vendase, rajonale dhe kudo që ndodhen në një afat kohor 16 mujor. Ne u shpallim luftë atyre dhe i garantoj se nuk do të ketë paqe me ta, deri në vendosjen e tyre para ligjit. Le të shkojnë ku të dojnë, në Dubai apo ne Zelandën e Re, Australi apo Afrikë të Jugut. Do të kapen dhe do të vendosen para ligjit. Krahasa kësaj Berisha bëri edhe një tjetër premtim ku theksoi se brenda 18 muajsh Shqipëria do të dalë nga lista e vendeve të kultivimit të kanabisit. Ish-kryeministri hodhi akuza ndaj policisë për fletëarrestet, që sipas tij janë shndërruar në mënyrë gjobëvënie.