Ish-kryeministri Sali Berisha është rreshtuar kundër ndryshimeve në Kodin Penal, duke i cilësuar ato si ndryshime që ndëshkojnë qytetarin e fjalën e lirë, por amnistojnë pushtetarin. Në konferencën për mediet, Berisha e konsideroi si kodi i mafias. Pa asnjë debat paraprak të gjerë, paraqesin këtu arkitekturën e plotë të kodit penal të diktaturës komuniste në raport me lirinë e fjalën dhe dënimin, trajtimin e qytetarëve.Sot me këtë kod, qytetari shqiptar dënohet me burg për një parkim të gabuar.Me këtë kod, qytetari shqiptar burgoset për një kundërshtim që i bën një polici pijanec apo të droguar.Sot qytetari shqiptar dënohet me dhjetëra vite në qoftë se i ka marrë ndërmarrjes 1 milion lekë. Ndërkohë që zyrtari i lartë duhet të vjedhë qindra milionë që të marrë dënimin që meriton. Kryedemokrati thekson se ky kod sipas tij, ka rikthyer nenin 55 të diktaturës, që nëse flet kundër prokurorit a gjyqtarit, dënohesh. Ai e konsideron si atentat ndaj Kushtetutës dhe paralajmëron dërgimin e tij në institucionet e BE.