Vendimin e Kolegjeve të Bashkuara të Gjykatës së Lartë për të ndryshuar praktikën 16-vjeçare të zbatimit të masave të sigurisë, sidomos të pjesës që lidhet me masën e sigurisë arrest me burg, Sali Berisha e sheh si një vendim për t’I ardhur në ndihmë kryebashkiakut Erion Veliaj dhe ish-zv;kryeministres Belinda Balluku. Nga jashtë sallës së Parlamentit ai akuzoi drejtuesin e Gjykatës së Lartë, Sokol Sadushi, duke e etiketuar si një militant socialist. Për Lubinë dhe Erion Velinë. Pikë. Është ndryshim, sigurisht, i një militanti të verbër të Partisë Socialiste, vetëm në funksion të Lubisë dhe të Erion Velisë. Kushtetuta është shumë e qartë. Po këta kur duan e respektojnë, kur duan e shkelmojnë. Kaq. Kurse ky udhëzimi i fundit i kolegjit ka të bëjë me Lubinë. Pra, përgatitjen me Lubinë dhe këta të tjerë që janë në rresht, se këta janë të gjithë në rresht për burg. E dini ju vetë. Këtu i ka secili më të mëdha dosjet se shoku.