Sali Berisha ka ngritur një grup të zgjeruar pune me deputetë dhe emra me kontribut në Partinë Demokratike që do të organizojnë dhe drejtojnë fushatën e elektorale të kësaj partie në Qarkun e Tiranës. Vendimi është marrë në mbledhjen e Kryesisë së Partisë Demokratike, që u mbajt ditën e hënë. Berisha, që tashmë u është rikthyer mbledhjeve dhe takimeve fizike në seli pas heqjes së masës së arrestit shtëpiak, ka caktuar në Tiranë deputetët Albana Vokshi, Asllan Dogjani, Dhurata Çupi, Jorida Tabaku dhe Edi Paloka. Në grupin e punës janë edhe ish kryetarët e Komisionit Qendror të Zgjedhejve, Arben Ristani dhe Çlirim gjatë, teksa nuk mungojnë edhe figurat lokale të partisë, si Ilir Alimehmeti dhe Ilda Zhulali. Pjesë e grupit janë edhe Glauk Olldashi, djali i Sokol Olldashit dhe Andi Mustafaj, djali i Besnik Mustafajt.