Sali Berisha deklaron se raporti i fundit i miratuar nga Komisioni i Jashtëm i Parlamentit Europian është më kritiku ndaj Shqipërisë, teksa akuzoi kreun e Kuvendit, Niko Peleshi se po e fsheh përmbajtjen e dokumentit me urdhër të Edi Ramës. Raporti absolutisht më kritik i miratuar ndonjëherë në historinë e procesit të integrimit. Raporti që i thotë qeverisë, ti nuk bëre zgjedhje të drejta, bëre zgjedhje si parti shtet, bleve vota, etj. Raporti që kërkon që parlamenti të ketë një rol qendror në procesin e integrimit. E shihni ju atë Peleshin që qëndron në krye të parlamentit? Nuk ka interes integrimin ai, është si Edi Rama. Këta kanë interesa të pasurive që kanë vjedhur, se po të kishte interes integrimin, Oltës do i thoshte, nuk ke vend këtu më, shko, ka dy vendime Gjykata Kushtetuese. Ti je një hajdute, bashkë me bashkëshortin tënd, e faktuar me gjykatë, e vendosur nga Gjykata Kushtetuese. Ti nuk ke vend. Por Olta është pjesë e familjes Rama. Nuk ndodh kot kjo. Dhe aty shkruhet e zezë mbi të bardhë, të zbatohen vendimet e Gjykatës Kushtetuese pa vonesë.