“A i fitoi Edi Rama zgjedhjet? Kurrë. Edi Rama i grabiti zgjedhjet. Prisni.” Me parakushtin që analiza e brendshme partiake të mos kthehet në gjueti shtrigash; kryetari i Partisë Demokratike, Sali Berisha filloi takimet me strukturat nga njësia numër nëntë në kryeqytet. Sinkron Berisha: “Fillojmë sot një analizë me të cilën ne do e nxjerrim shumë më të fortë dhe të fuqishme Partinë Demokratike. Po. Dhe në këtë analizë, jeni të ftuar secili prej jush të japë mendime, të bëjë kritika për cilido, të bëjë propozime. Kam vetëm dy kërkesa. Jo gjah shtrigash. Ne nuk bëhemi në asnjë rrethanë parti e gjahut të shtrigave, por japim përgjegjësinë me fakte, me argumente secilit. Ku i patëm dobësitë tona, çfarë duhet të përmirësojmë, çfarë duhet të ndryshojmë?” Berisha u ndal edhe tek arrestimi ish shefes së diplomacisë europiane, Federica Mogherini.