Teksa pret lirimin nga Gjykata e Lartë, ish ministrit të Shëndetësisë Ilir Beqaj iu rrëzua sërish kërkesa nga Apeli i Posaçëm për zëvëndësimin e masës së sigurisë. Ish-funksionari mbahet nën masën arrest në burg për dosjen e SASPAK që prej korrikut të vitit 2024, ndërsa Apeli i rrëzoi tentativën e radhës pëe të lënë qelinë. Përmes avokatit të tij Ermal Yzeiraj, Beqaj kërkonte që kundrejt garancisë 2 milion lekë të dilte nga paraburgimi pas dy vitesh, ose një shumë tjetër që gjykata do ta vlerësonte të përshtatshme, duke përdorur si argument edhe vendimin e unifikuar u Gjykatës së Lartë. Megjithatë, kjo kërkesë u refuzua nga trupi gjykues, duke miratuar vendimin e shkallës së parë. Ndaj ish-ministrit rëndojnë disa akuza, mes tyre “korrupsion pasiv”, “shkelje e barazisë në tendera”, “falsifikim dokumentesh” dhe “fshehje pasurie”, ndërkohë që në GJKKO vijon gjyqi në themel për dosjen tjetër, atë të “Sterilizimit”.